13ی‌ ئازار/ مارس 2013 (گوڵان میدیا)- دەستەی نەزاھەی عێراق ئاشكرای كردووه‌ كه‌ بەھۆی گەندەڵییە دارایی و ئیدارییەکانەوە نزیکەی یەک ملیار دۆلار له‌ ساڵی ڕابردوودا دیار نه‌ماوه‌.

بەپێی راپۆرتێکی دەستەی نەزاھە کە لەبارەی گەندەڵییە دارایی و ئیدارییەکانی ساڵی ٢٠١٢ ـه‌وه‌ ئامادەکراوە، زیاتر له‌ یه‌ك ملیار دۆلار به‌هۆی گه‌نده‌ڵییه‌وه‌ دیار نه‌ماوه‌.

هه‌روه‌ك ده‌سته‌كه‌ ئه‌وه‌یشی ئاشكرا كردووه‌ كه‌ ٣٧ بەرپرس له‌و گه‌نده‌ڵییه‌دا تێوه‌ گلاون، ئه‌وانیش ٣ وەزیر، ٩ بەڕێوەبەری گشتی و ٢٥ بەرپرسی دیکەن و تۆمه‌تباری سه‌ره‌كی ئه‌و دۆسیه‌یه‌ن.

ده‌سته‌ی نه‌زاهه‌ ئه‌وه‌یشی ڕوونكردووه‌ته‌وه‌ كه‌ لایه‌نه‌ په‌یوه‌ندداره‌كان به‌ده‌م ڕاپۆرته‌كه‌وه‌ نه‌هاتوون، بۆیه‌ به‌شێك له‌ تۆمه‌تبارانی دۆسییه‌كه‌ بۆ ده‌ره‌وه‌ی عێراق هه‌ڵهاتوون.