١ـی کانوونی یەکەم/دیسەمبەر(گوڵان میدیا)- سه‌رۆكی ئه‌ركانی سوپای عێراق رایگه‌یاند، ئه‌و كیشه‌ و ناكۆكییه‌ی له‌ نێوان حكومه‌تی فیدرالی عێراق و هه‌رێمی كوردستان سه‌ری هه‌ڵداوه‌ به‌ره‌و پێكدادانی چه‌كداری ناچێت و هه‌روه‌ك كێشه‌كانی پێشتر به‌ گفتوگۆ كۆتایی پێدێت.

بابه‌كرد زێباری له‌ كۆبوونه‌وه‌ی له‌گه‌ڵ مه‌رجه‌عی ئاینی محه‌ممه‌د ته‌قی ئه‌لموده‌ره‌سی، وتیشی: هه‌روه‌ك چۆن له‌ 2003ه‌وه‌ چه‌ندین كێشه‌ی دیكه‌ رووبه‌رووی عێراق بۆته‌وه‌‌ و كۆتایی پێهاتووه‌، ئه‌و كێشه‌یه‌ی ئیستاش یه‌كێكه‌ له‌و كێشانه‌، ده‌توانرێت به‌ گفتوگۆ چاره‌سه‌ربكرێت.

روونیكرده‌وه‌: من نیگه‌ران نیم له‌و بارگرژیه‌ی له‌ نێوان هه‌رێم و به‌غدا هه‌یه‌، ئه‌و كیشه‌یه‌ به‌ دانیشتن له‌سه‌ر مێزی گفتوگۆ چاره‌سه‌ر ده‌كرێت نه‌ك به‌ په‌نابردن بۆ چه‌ك.