ئەمڕۆ شەموو سەرچاوەیەك لە هاوپەیمانیی نیشمانى راى گەیاند، دەستەى سیاسیی هاوپەیمانیی نیشتمانى بڕیارى داوە لە چەند رۆژى نێزیكی داهاتوو كارنامە چاكسازییەكەى پێشكێشی لایەنە سیاسییەكان بكا.
شاكر دشر دەراجی ئەندامی پەرلەمانى عێراق و سەركردە لە تەباییی دەوڵەتی یاسا
بەئاژانسی كوردستان بۆ دەنگوباس (ئاكانیوز)ى راگەیاند، بەپێی رێككەوتنى دەستەى سیاسیی هاوپەیمانیی نیشتمانى و لێژنە چاكسازییەكەی، بڕیارە لە رۆژانى زۆر نێزیك كارنامە چاكسازییەكەى پێشكێشی لایەنەكان بكا.

دەراجى گوتى، كارنامەكە هەموو دەستپێشخەرییەكانى پێشترى هەولێر ـ نەجەف، رێككەوتننامەى هەولێر، دەستپێشخەری هاوپەیمانیی نیشتمانى بۆ كۆنگرەى نیشتمانى، دەستپێشخەری سەركۆمار راى و بۆچوون و سەرنجی لایەنەكانى لەسەر وەرگیراوە.

پتر گوتى، دواى زنجیرە كۆبوونەوەكانى ئیبراهیم جەعفەری سەرۆكى هاوپەیمانیی نیشتمانى لەگەڵ لایەنە سیاسییەكانى هەموو تێبینی و داواكاری و سەرنجی ئەو لایەنانە وەرگیراوە و خراوەتە ناو كارنامەكە.

ئەو سەركردەیەی دەوڵەتی یاسا ئاماژەى كرد كە گەڕانەوەى بۆ دەستوورى عێراق و كردنى بە تاكە سەرچاوەى چارسەركردنى تەنگژەكان باشترین كۆدەنگی لێ دەكەوێتەوە.












ئاكانیوز