سه‌رجه‌م لایه‌نه‌ سیاسیه‌کانی هه‌رێمی کوردستان دروستکردن و پێکهێنانی ئه‌نجومه‌نێکی دانوستاندن بۆ گفتوگۆ کردن له‌گه‌ڵ حکومه‌تی به‌غدا به‌گرنگ ده‌زانن، نوێنه‌رێکی کوردیش له‌ ئه‌نجومه‌نی نوێنه‌رانی عێراق ده‌ڵێت، پێویسته‌ ئه‌و ئه‌نجومه‌نه‌ به یاسا ده‌ربچێت.

ئه‌ندامی ئه‌نجومه‌نی نوێنه‌رانی عێراق له‌ فڕاکسیۆنی گۆڕان \"بایه‌زید حه‌سه‌ن\"" به ئاژانسی په‌یامنێری راگه‌یاند: \""پێم وایه‌ ده‌بێت ئه‌نجومه‌نی دانوستاندن به یاسا ده‌ربچێت بۆئه‌وه‌ی له‌سه‌ر کێشه‌ هه‌ڵواسراوه‌کان گفتوگۆ بکه‌ن و مه‌رجیش نییه‌ ئه‌وانه‌ حزبی بن به‌ڵکو پێویسته‌ ئه‌وانه‌ که‌سانی شاره‌زا و لێهاتوو بن و له یاساکه‌شدا دیاری بکرێت.\""

بایه‌زید حه‌سه‌ن گوتی: \""ئه‌گه‌ر بێت‌و ئه‌و ئه‌نجومه‌نه‌ گفتوگۆ له‌گه‌ڵ به‌غدا بکات و له‌ په‌رله‌مانی کوردستان ده‌نگی بۆ بدرێت و ئه‌ندامه‌کانی به‌ ره‌زامه‌ندیی هه‌موو لایه‌ک هه‌ڵبژێردرێت باشه‌، چونکه‌ حکومه‌ت له‌گه‌ڵ حکومه‌تی به‌غدا گفتوگۆ ده‌کات نه‌وه‌کو حزب له‌گه‌ڵ حکومه‌تی به‌غدا.\""

ئه‌ندامه‌که‌ی ئه‌نجومه‌نی نوێنه‌ران ئاماژه‌ی بۆئه‌وه‌ش کرد: \""ئه‌گه‌ر بێت‌و ئه‌و ئه‌نجومه‌نه‌ پێک بێت ئه‌وا هه‌نگاوێکی زۆر باشه‌.\"""