ئه‌مڕۆ سێشه‌ممه‌ په‌رله‌مانی عێراق كۆده‌بێته‌وه‌‌و خوێندنه‌وه‌ی یه‌كه‌م بۆ پرۆژه‌یاسای هه‌مواركراوی یاسای كۆمسیۆنی باڵای سه‌ربه‌خۆی هه‌ڵبژاردنه‌كان ده‌كات.

به‌گوێره‌ی به‌رنامه‌ی كاری دانیشتنه‌كه‌ كه‌ وێنه‌یه‌كی ده‌ست NNA كه‌وتووه‌، كۆبوونه‌وه‌كه‌ كاتژمێر یه‌كی پاشنیوه‌ڕۆ ئه‌نجامده‌درێت‌و تێیدا خوێندنه‌وه‌ی یه‌كه‌م بۆ پرۆژه‌یاسای هه‌مواركراوی یاسای كۆمسیۆنی باڵای سه‌ربه‌خۆی هه‌ڵبژاردنه‌كان ژماره‌ (11)ی ساڵی (2007) ده‌كرێت‌و ڕاپۆرتێكیش له‌باره‌ی ته‌قینه‌وه‌كه‌ی نزیك په‌رله‌مانی عێراق ده‌خوێندرێته‌وه‌.

ئه‌وه‌ش خراوه‌ته‌ڕوو، له‌ته‌وه‌رێكی دیكه‌ی كۆبوونه‌وه‌كه‌ی په‌رله‌مانی عێراقدا، به‌رده‌مبوون ده‌بێت له‌سه‌ر گفتوگۆ‌و تاووتوێكردنی پرۆژه‌یاسای حزبه‌ سیاسییه‌كانی عێراق.