عه‌لی موسه‌وی، راوێژكاری نوری مالیكی، سه‌رۆك وه‌زیرانی عێراق به‌ (رووداو)ی راگه‌یاند \"هێزی سوپای عێراق به‌ فه‌رمانی حكومه‌تی عێراق هاتووه‌ بۆ ناوچه‌كه‌، چونكه‌ دۆخی سووریا باش نییه‌ و ئه‌و هێزه‌ی سوپای عێراق ده‌یه‌وێ سنووری عێراق له‌گه‌ڵ سووریا بپارێزێ\"".

راوێژكاره‌كه‌ی نوری مالیكی، گوتیشی \""ئه‌و هێزه‌ی هاتووه‌ ده‌بێ تاوه‌كو ئه‌و شوێنه‌بچێ كه‌ بۆی هاتووه‌، به‌پێی ده‌ستووریش بڵاوكردنه‌وه‌ی هێز له‌و ناوچانه‌ له‌ژێر ده‌سه‌ڵاتی حكومه‌تی عێراقدایه‌\"".

کاژێر 5ی به‌یانی رۆژی هەینی، هێزێكی سوپای عێراق كه‌ له‌ هه‌ردوو لیوای 37 و 38 ی پێکهاتوون لە نزیك گوندی قاهیره‌ی سه‌ر به‌ ناحیه‌ی ره‌بیعه‌ی پارێزگای موسڵ جێگیر کران.

ئه‌و هێزه‌ی سوپای عێراق به‌ مه‌به‌ستی هاوكاریكردنی رژێمی سووریا، ده‌یه‌وێت ده‌روازه‌ی پێشخابوور كه‌ ده‌كه‌وێته‌ قه‌زای زاخۆ بگرێت ، كه‌ تاكه‌ ده‌روازه‌ی سنووریی هه‌رێمی كوردستانه‌ له‌گه‌ڵ سووریا و وەک بریکاری وەزارەتی پێشمەرگە دەڵێت \""ئەو هێزه‌ی سوپای عێراق به‌ به‌رنامه‌ داڕێژراو جوڵه‌یان بۆ ناوچه‌ی پێشخابوور كردووه‌ و پێداویستی جه‌نگی زۆریان له‌ گه‌ڵ خۆیان هێناوه‌ تا سنووری هه‌رێمی كوردستان و سووریا داگیربكه‌ن\"".

"