به‌ مه‌به‌ستی به‌شداریكردن له‌ لوتكه‌ی عه‌ره‌بی له‌ به‌غدا ، ئێواره‌ی دوێًنێ ئه‌كلیل زه‌نین سه‌رۆكی كۆماری جوزرولقه‌مه‌ر گه‌یشته‌ عێراق له‌لایه‌ن نوری مالكی سه‌رۆك وه‌زیران و هوشیار زێباری وه‌زیری ده‌ره‌وه‌ی عێراق پێشوازی لێكرا ، ئه‌مه‌ش له‌ كاتێكدایه‌ كه‌ ته‌نها دوو سه‌رۆك و پاشاى وڵاتانى عه‌ره‌بى ئاماده‌ییان بۆ به‌شدارى له‌ لوتكه‌كه‌ ده‌ربڕیوه‌ ئه‌وانیش سه‌رۆكى جزورولقه‌مه‌ر و میرى كوێتن .

ل ئالیێ دن لگۆر چاڤكانى یێن نوچه‌یان سه‌رۆكێ یه‌مه‌نێ به‌شداریا جڤینا بلندا عه‌ره‌بی ل به‌غدایێ ناكه‌ و سه‌ده‌م ژی ژبۆ ره‌وشا یه‌مه‌نێ ڤه‌گه‌راند و سعودیێ ژی ئه‌حمه‌د قه‌تانێ بالیۆزێ خوه‌ ل مسرێ راسپارتیه‌ به‌شداریا جڤینا بلندا عه‌ره‌بی ل به‌خدایێ بكه‌ و سه‌ده‌م ژی ژبۆ سه‌فه‌را نایف بن عه‌بدولعه‌زیز شونڤه‌گرێ عه‌ره‌بستانا سعودیێ ژبۆ جه‌زائیرێ ڤه‌گه‌راند. ژبال خوه‌ڤه‌ هشیار زێباری وه‌زیرێ ده‌رڤه‌ یێ ئێراقێ راگه‌هاند كو بیست و یه‌ك ولاتێن عه‌ره‌بی دێ به‌شداریا جڤینا بلندا عه‌ره‌بی بكن ته‌ڤى سویێ كو ئه‌و ژی نه‌هاتیه‌ داوه‌تكرن و جڤینا هان ژی هه‌یاما سێ روژان به‌رده‌وام به‌ كو ئیرۆ بیست و هه‌فتێ مه‌هێ جڤینا ئاماده‌كاریا وه‌زیرێن دارایی و ئابوری برێڤه‌ دچه‌ و بیست و هه‌شتێ مه‌هێ ژی جڤینا وه‌زیرێن ده‌رڤه‌ و جڤینا رۆژا سێ یێ ژی كو بیست و نه‌هێ مه‌هێ یه‌ سه‌رۆكێن وه‌لاتێن عه‌ره‌بی تێده‌ دێ به‌شدار بن. زێباری ته‌كه‌زكر كو ئاماده‌كاری ژبۆ مێهڤانداریا جڤینا بلندا به‌خدایێ و هه‌موو هه‌وجه‌دارى یێن سیاسی و ئاسایش و ته‌كنیكی بداویهاتنه‌.

لدۆر گه‌هشتنا كه‌ساتى یێن سیاسی و ده‌پلۆماتیك ژى؛ لگۆر چاڤكانى یێن نوچه‌یان تا نها بێترى سه‌د و هه‌شتێ كه‌ساتى یێن سیاسی و ده‌پلۆماتیك گه‌هانه‌ به‌خدایێ؛ لێ تا نها ته‌نێ سه‌رۆكێ یه‌ك وه‌لاتی گه‌هایه‌.