ته‌نها له‌ماوه‌ی ئه‌م مانگه‌دا له‌لایه‌ن هێزه‌ ئه‌منییه‌كانی پارێزگای دیاله‌وه‌ توانراوه‌ 85 تۆمه‌تبار، كه‌ ژماره‌یه‌كیان له‌لایه‌ن دادگاوه‌ داواكراون، له‌ ناوچه‌ جیاجیاكانی ئه‌و پارێزگایه‌دا ده‌ستگیربكرێن.
سه‌رچاوه‌یه‌ك له‌پۆلیسی دیاله‌ به‌ PUKmedia ی راگه‌یاند: به‌پێی ئامارێكی به‌ڕێوه‌به‌رایه‌تی پۆلیسی دیاله‌ ته‌نها له‌ماوه‌ی ئه‌م مانگه‌دا (مانگی 12) هێزه‌كانی پۆلیسی پارێزگاكه‌ توانیویانه‌ 85 تۆمه‌تبار كه‌ ژماره‌یه‌كی زۆریان له‌لایه‌ن دادگاوه‌ داواكراون ده‌ستگیربكه‌ن.
وتیشی: ژماره‌یه‌ك له‌و كه‌سانه‌ به‌تۆمه‌تی ئه‌نجامدانی كاری تیرۆریستی و تاوانكاری تۆمه‌تبارن و سه‌رجه‌م داواكراوه‌كانیش له‌ ناوچه‌ جیاجیاكانی پارێزگاكه‌ ده‌ستگیركراون و دواتر راده‌ستی دادگا كراونه‌ته‌وه‌.