ئەمرۆ شەممە لیستی عێراقییە بایکۆتی دانیشتنەکانی ئەنجوومەنی نوێنەرانی کرد تا پرسی پارێزگای دیالە یەکلایی نەبێتەوە.

ئەندامی ئەنجوومەنی نوێنەرانی عێراق لەسەر لیستی هاوپەیمانی کوردستانی (د.سەعید خۆشناو) تایبەت بە پەیامنێر گوتی: لە بەیاننامەیەکدا لیستی عێراقیە ئەم هەڵوێستەیان راگەیاندووە.


ئەمرۆ ئەنجوومەنی نوێنەرانی عێراق سەعات 11 کۆ دەبنەوە و بریارە کە بەشێکی بۆ باسکردن لە پرسی پارێزگای دیالە دابنێن.

ئەنجوومەنی پارێزگای دیالە 12 ئەم مانگە لە بریارێکدا بەهەرێمبوونی پارێزگاکەی بۆ هەرێمێکی سەربەخۆ راگەیاند کە ئەمەش نارەزایەتی لێکەوتۆتەوە و تا ئێستا بەردەوامە.