پاشئه‌وه‌ی ئه‌نجومه‌نی پارێزگای سه‌لاحه‌دین بڕیاریدا له‌سه‌ر به‌هه‌رێمكردنی پارێزگاكه‌یان، به‌دوایدا پارێزگای ئه‌نباریش سه‌رگه‌رمی تاوتوێكردنی هه‌مان پرسه‌.

له‌وباره‌یه‌وه‌ ئه‌حمه‌د ئه‌بو ریشه‌، سه‌رۆكی سه‌حوه‌ی عیراق له‌لێدوانێكی رۆژنامه‌وانیدا رایگه‌یاند: پارێزگای ئه‌نبار سه‌رگه‌رمی تاوتوێكردنی پرسی به‌هه‌رێمكردنی پارێزگاكه‌یانه‌، حكومه‌تی ناوه‌ندی ده‌سه‌ڵاته‌كانی پارێزگاكه‌یانی كه‌مكردووه‌ته‌وه‌ ئه‌وه‌ش وایكردوه‌ رێگه‌ی به‌رده‌م پارێزگاكه‌یان له‌گه‌ڵ حكومه‌تی ناوه‌ندیدا دابخرێت.

ئه‌بو ریشه‌ راشیگه‌یاند: ئه‌مڕۆ ئه‌نجومه‌نی پارێزگای ئه‌نبار له‌سه‌ر تاووتوێكردنی پرسی به‌هه‌رێمكردنی پارێزگاكه‌یان كۆده‌بێته‌وه‌ .
خه‌ڵكی ناوچه‌ سوننه‌ نشینه‌كانی عیراق به‌رده‌وام حكومه‌تی ناوه‌ندی به‌وه‌تۆمه‌تبار ده‌كه‌ن كه‌ ناوچه‌كانیانی پشتگوێ خستوه‌و له‌ئێستاشدا به‌هه‌رێمكردنی پارێزگا سونییه‌كان به‌ڕێوه‌یه‌.