گولاَن- عه‌بدولستار ئه‌حمه‌د

له‌ لێدوانێكی رۆژنامه‌وانیدا په‌رله‌مانتار سه‌ر به‌ كوتله‌ی ئه‌لعێراقییه‌ سه‌لمان جومه‌یلی ئاماژه‌ی به‌وه‌دا ئه‌مرِۆ چوارشه‌ممه‌ كوتله‌ی ئه‌لعێراقییه‌ به‌ڵێننامه‌ی شه‌راكه‌ت له‌ گه‌ڵ ئه‌نجوومه‌نی بالاَی ئیسلامی راده‌گه‌یه‌نێ و دواتریش ده‌یخاته‌ به‌رده‌م ته‌واوی كوتله‌ سیاسییه‌كانی دیكه‌ی عێراقی بۆ ئه‌وه‌ی له‌ نزیكه‌وه‌ لێی ئاگادار بن وكاری له‌ سه‌ر بكه‌ن .
سه‌رچاوه‌یه‌كی دیكه‌ش له‌ كوتله‌ی ئه‌لعێراقییه‌ روونی كرده‌وه‌ ئه‌و به‌ڵێننامه‌یه‌ ده‌بێته‌ بنه‌مای سه‌ره‌كی رێككه‌وتنی نێوان ئه‌لعێراقییه‌و ئه‌نجوومه‌نی بالاَی ئیسلامی و حزبی فه‌زیله‌و چه‌ند په‌رله‌مانتارێكی سه‌ربه‌خۆ بۆ قۆناخه‌كانی داهاتووی دانووستانه‌كان.
به‌ڵیننامه‌كه‌ له‌و خالاَنه‌ی خواره‌وه‌و چه‌ند خاڵیكی دیكه‌ش پێكدێت.
1_ به‌شداریكردنی ته‌واوی ته‌واوی كوتله‌ براوه‌كان له‌ پێكهێنانی حكومه‌تی نوێی عێراق بێئه‌وه‌ی هیچ لایه‌نێكی راوه‌ په‌راوێز بخرێت.
2_ به‌شداری نه‌كردنی ئه‌لعێراقییه‌و ئه‌نجوومه‌نی بالاَی ئیسلامی و حزبی فه‌زیله‌ له‌ حكومه‌تێك كه‌ نوری مالیكی سه‌رۆكایه‌تی بكات.
3_ رێزگرتن له‌ ده‌ستوورو رێزگرتن له‌ ده‌ستكه‌وته‌كانی هه‌ڵبژاردن وه‌كو ئه‌وه‌ی له‌ ده‌ستووردا هاتووه‌.
4_ كاركردن بۆ هه‌مواركردنی ده‌ستوور له‌ قۆناخی داهاتوو به‌ مه‌رجێك ماوه‌كه‌ی له‌ ساڵێك تێپه‌رِنه‌بێت.
5_ داواكاری بۆ پێداچوونه‌وه‌ی ده‌سه‌لاَته‌كانی سه‌رۆك وه‌زیران و ده‌سه‌لاَته‌كانی دیكه‌.
6_ به‌ڵێننامه‌كه‌ ته‌واوی ده‌ست تێوه‌ردانێكی ده‌ره‌كی ره‌تده‌كاته‌وه‌، ئه‌گه‌رچی سه‌رچاوه‌كه‌ی له‌ عێراقیشه‌وه‌ برِیاری له‌ سه‌ر بدرێت بۆ پێكهێنانی حكومه‌ت.
7_ ئه‌و گردبوونه‌وه‌ نوێیه‌ ده‌رگای كراوه‌ له‌ سه‌ر هه‌موو كوتله‌كان و بانگهێشتی ته‌واوی كوتله‌كانیش ده‌كات بۆ پێكهێنانی حكومه‌تی نوێی عێراق.
8_ ده‌بێ هه‌موو لایه‌ك ئه‌وه‌ له‌ به‌رچاو بگرێت كه‌ كوتله‌ی ئه‌لعێراقییه‌ براوه‌ی یه‌كه‌می هه‌ڵبژاردنه‌كانی 7 ی ئازاره‌، كه‌ ئه‌مه‌ش له‌لایه‌ن ده‌ستووره‌وه‌ دانی پێنراوه‌.