دوای ئەوەی لە ماوەی رابردوودا بە هۆی تووشبوونی هاوسەرەكەی بە شێرپەنجەی گەروو، لە كاری هونەری دووركەوتبۆوە و چەندین ئاهەنگیشی رەتكردەوە، خانمە گۆرانیبێژی جیهانی سیلین دیۆن بڕیاریدا دووبارە دەست بە كارە هونەرییەكانی بكاتەوە.
لەم بارەیەوە سیلین لە رێگای تۆڕێ كۆمەڵایەتییەكانەوە نامەیەكی ئاراستەی هەوادارانی خۆی كرد و تێیدا رایگەیاند كە ئێستا ئامادەیە دووبارە بگەڕێتەوە و كاتی خۆی بۆ ئەنجامدانی كارە هونەرییەكان تەرخان بكاتەوە و ئەمەش ئێستا بە گرنگترین كارەكانی خۆی دەزانێت.
سیلین ئەوەشی راگەیاند كەوا ئێستا خەریكی خۆ ئامادەكردنە بۆ سازدانی ژمارەیەك ئاهەنگ كە گرنگترینیان ئاهەنگی شاری لاس فیگاسە.