لوكاس دینی ئەستێرەی هێڵی بەرگری یانەی بەرشلۆنە بەهەموو شێوەیەك رۆیشتنی لە یانەی بلاوگرانە بۆ هەر تیپێكی دیكە رەتدەكاتەوە.

دینی لەمبارەیەوە بۆ تۆری هەواڵی (ESPN ) دەدوێت ودەڵێت: من لەگەڵ یانەی بەرشلۆنە بەردەوامم، هەموو تیشكی خۆم خستۆتە سەر یارییەكانی وەرزی داهاتوو، بۆیە هیچ بریارێكی دیكە جگە لە مانەوە نادەم.

ئەستێرە تەمەن (23) ساڵانەكە وتیشی: لە رۆژنامەكانەوە گوێبیستی هەواڵی رۆیشتنم بووم، بەڵام ئەمە لای من گرنگ نییە و وەك چیرۆكی نا راستی وایە، پێویستە لەكاری خۆم بەردەوام بم.

ئەو دەشڵێت: دەمەوێت مێژووێكی پرشنگدار لەگەڵ یانەی بەرشلۆنە بنوسمەوە و شوێنی خۆم لە پێكهاتەی سەرەكی بكەمەوە و نازناوەكان لەگەڵ ئەم تیپە بەدەستبهێنم.

جێی باسە دینی لە وەرزی رابردووی خۆی لەگەڵ یانەی بەرشلۆنە (26) یاری ئەنجامدا و دەیەوێت لە وەرزی داهاتوو زیاتر لە (30) یاری ئەنجام بدات.



محمد سلێمان