بریار و راسپاردەكانی یەكێتی تۆپی پێی كوردستان
1- لە یاریی نێوان خانەقین و كفری لە خولی یانە پلە دووەكانی كوردستان، وەرزی 2015-2016، بەهۆی هەڵسوكەوتی دوور لە گیانی وەرزشی لە لایەن هاندەرانی یانەی كفری، بڕیاردرا:
أ- غەرامەكردنی یانەی كفری بە بڕی 250 هەزار دینار
ب- ئاگەداریی كۆتایی بۆ یانەی كفری
2- داوا لە سەرۆك و سەرپەرشتیاری تیپی تۆپی پێی یانەی برایەتی دەكەین، رۆژی شەممەی داهاتوو كاتژمێر 12ی نیوەڕۆ لە بارەگەی یەكێتیی تۆپی پێ ئامادەبن بۆ كاری پێویست.
3- بانگهێشتكردنی هەردوو یاریزانی یانەی برایەتی (سەلام ئەحمەد، سەفین مەنسووڕ) و گۆڵپارێزی یانەی گازی باكوور (نەریمان خدر) بۆ كۆبوونەوەی داهاتووی یەكێتیی تۆپی پێ لە رۆژی شەممەی داهاتوو كاتژمێر 12ی نیوەڕۆ.
4- لاریمان نییە لەسەر دەستلەكاركێشانەوەی بەڕێز (هونەر جەوهەر) ئەندامی یەكێتیی تۆپی پێی كوردستان لە پۆستەكەی، ئەمەش لەسەر داوای خۆی، سوپاس و پێزانینیشمان بۆی هەیە كە لە ماوەی رابردوودا لەگەڵ یەكێتیی تۆپی پێ سەركەوتووانە كاری خۆی كردووە.
5- نووسراوی دەستلەكاركێشانەوەی بەڕێز هونەر جەوهەر، بۆ لیژنەی ئۆڵمپیی هەرێمی كوردستان بەرزدەكەینەوە.
رێبین رەمزی
