هۆڵی داخراوی شەعب لە شاری بەغداد كۆتایی بە ركابەرییەكانی خولی نایابی عێراق بۆ تۆپی بالە لەسەر ئاستی كوران هات و یانەی بەحری توانی نازناوەكە بباتەوە.
یەكێتی تۆپی بالەی عێراق لەم وەرزدا شێوازی یارییەكانی خولی نایابی عێراق گۆرانكاری تیاییدا ئەنجامدا و خولەكە لەم وەرزە بە 6 قۆناغ ئەنجامدرا بە بەشداریكردنی 6 یانە و یانەی پێشمەرگەی سلێمانی تاكە نوێنەری كوردستان بوو لەم ركابەرییە.
دوای بەرێوەچوونی هەر شەش قۆناغ یانەی بەحری توانی نازناوی خولەكە بۆ خۆی مسۆگەر بكات و پلەی یەكەم بە دەستبهێنێت دوای ركابەرییەكی بەهێز لەگەڵ یانەكانی گازی باكوور و شورتە.
ریزبەندی كۆتایی خولەكە بەمێشوەیە بوو.
1- یانەی بەحری
2- یانەی گازی باكوور
3- یانەی شورتە
4- یانەی پێشمەرگەی سلێمانی
5- یانەی قوە جویە
6- یانەی سەناعە
جێگەی باسە لە وەرزی داهاتووی خولەكە هەریەكە لە یانەكانی هەولێر و شەقڵاوە بەشداری لە خولەكە دەكەن، دوای ئەوەی یانەی هەولێر توانی نازناوی خولی پلە نایابەكانی عێراق لەسەر ئاستی (ب) بە دەستبهێنێت و یانەی شەقڵاوەش لەسەرەتاوە بلیتی سەركەوتنی بۆ خۆی مسۆگەر كردبوو.
رێبین رەمزی