لە هۆڵی یانەی ئەكاد كۆتایی بە خولی نایابی كوردستان بۆ تۆپی بالە هات، كاتێك لە یاری كۆتایی هەردوو یانەی هەولێر و پێشمەرگەی سلێمانی رووبەرووی یەكتر بوونەوە.
لە یارییەكی جەماوەریدا یانەی هەولێر توانی ئاستێكی بەرز پێشكەش بكات و یارییەكە بە ئەنجامی (3-0) گێم بباتەوە و ببێتە پاڵەوانی كوردستان دوای چاوەروانی كردن زیاتر لە 7 ساڵ.
لە یاری پلەی سێیەم و چوارەمدا هەردوو یانەی ئەكاد و شەقلاوە رووبەرووی یەكتر بوونەوە، لەم یارییەدا یانەی ئەكاد توانی پلەی سێیەم بە دەستبهێنێت دوای ئەوەی یارییەكەی بە ئەنجامی (3-0) گێم بباتەوە.
ریزبەندی كۆتایی خولەكە بەمشێوەیە بوو.
1-هەولێر
2- پێشمەرگەی سلێمانی
3- ئەكاد
4- شەقڵاوە
جێگەی باسە لەم خولە 12 یانە بەشداریان تیاییدا كردبوو و هەردوو یانەی نیشتمان و تەئاخی بۆ خولی پلە یەكی كوردستان دابەزین.
رێبین رەمزی
فۆتۆ: ئومێد ئیبراهیم