لە چوارچێوەی یارییەكانی خولی پلە نایابەكانی كوردستان بۆ تۆپی بالە، ئەمرۆ شەممە لە هەردوو هۆڵی شەهید فرانسۆ هەریری و یانەی ئەكاد یارییەكانی جەولەی سێیەم بەرێوەچوو، لە كۆمەلەی یەكەم هەردوو یانەی هەولێر و شەقڵاوە توانیان سەركەوتنی سێیەم تۆمار بكەن و خۆیان لە چوار گۆشەی زێرینی خولەكە نزیكردەوە، لە كۆمەڵەی دووەم پێشمەرگەی سلێمانی بەردەوامە لە سەركەوتنەكانی و تا رادەیەكی زۆر گەیشتنی بۆ قۆناغی چوار گۆشەی زێرینی مسۆگەر كردووە.
ئەنجامی یارییەكان بەمشێوەیە بوو:
كۆمەڵەی یەكەم
هەولێر - رانیە 3-0 گێم
شەقڵاوە - شۆریجە 3-0 گێم
هەڵەبجەی شەهید - نیشتمان 3-0 گێم
كۆمەڵەی دووەم
سۆلاف - هێرش 3-1 گێم
ئەکاد - پێشمەرگەی سلێمانی 0 - 3 گێم
بابەگوڕگوڕ - تەئاخی 3 - 0 گێم
وا بڕیارە رۆژی دووشەممە كۆتایی بە یارییەكانی كۆمەڵەكان بێت و لە هەر كۆمەڵێك دوو یانە بۆ چوار گۆشەی زێرین سەردەكەوێت.
رێبین رەمزی
فۆتۆ: ئازاد چنارەنەیی