لێژنەی بەدواداچوونی کێشەی یاریزانان و راهێنەرانی سەر بە یەکێتی تۆپی پیی عێراق لە بڵاوکراوێکیدا بۆ دەزگا راگەیاندنەکان ئاشکرای کرد، کە بەفەرمی راهێنەر ساڵح رازی ۳ داوای لە دژی ۳ یانەی عێراق تۆمارکردووە بۆ وەرگرتنەوەی مافەکانی خۆی.
لە بڵاوکراوەکەدا هاتووە، کە ساڵح رازی داوای دارایی دژی یانەی تەڵەبە تۆمارکردووە بۆ وەرگرتنەوەی بڕی ۱٠٠ ملیون دینار و هەروەها داوای دارایی دژی هەردوو یانەی کەرخ و سلێمانی تۆمارکردووە بۆ وەرگرتنەوەی مافەکانی خۆی.
جێگەی باسە یانەی سلێمانی لە وەرزی ۲٠۱٤-۲٠۱٥ لە خولی نایابی عێراق کشایەوە دوای سزادانی لە لایەن یەکێتی تۆپی پێی عێراق.
رێبین رەمزی