کارزان کانەبی
لەمیانی یارییەکانی خولی نایابی یانەکانی عێراقی لە یارییەکی دواخراوی خولەکە بڕیارە ئەمڕۆ سێ شەممە لە سەر یاریگای نێودەوڵەتی شەھید فەرەنسۆ ھەریریدا لەکاتژمێر ٢ی دوای نیوەرۆ لە یارییەکی بەھێز و گرنگدا ھەردوو تیپی ھەولێرو جەوییە ڕووبەرووی یەکتری دەبنەوە ، بۆ ئەم یارییەش یاریزانانی ھەردوو تیپ ئامادەکارییەکی باشیان کردوە بە ئامانجی بەدەست ھێنانی ئەنجامی شایستە و گەیشتن بە ریزبەندی پێشەوەی تیپەکان، ھەولێرییەکان بە پشتی ھاندەران و یاریگاو دەستەی ڕاھێنەرانیان پلانی تۆکمەیان لەبەردەستە بۆ ئەوەی سەرکەوتن لەسەر دەستی یاریزانانی جەوییە بەدەست بھێنین و خۆیان بگەینە پێشەنگی یانەکان ، ھەرچەندە ھەولێر لە دواین یاری خۆیدا بە ئاستێکی بەرز لە تیپی مینای پێشەنگی یانەکانی برۆدتەوە و یانە جەوییەش بەھەمان شێوەیە سەرکەوتنی تۆمارکردوە، بۆیە پێشبینی دەکرێت ئەم یارییە بە یەکێک لە یارییە ھەرە بەھێزەکانی ئەم ھەفتەیە بێت چونکە ھەردووتیپ ڕکابەری یەکترن لە بەدەستھێنانی خاڵ و سەرکەوتنی ھەریەکێک لە تیپەکان لەم یارییە پێشەنگی یانەکانی بۆ مسۆگەر دەکات، یاریزانانی جەوییەش بە تیپێکی تۆکمەوە ھاتونەتە ھەولێر بۆ ئەوەی بتوانن ئەنجامی شایستە و سێ خاڵی یارییەکە بۆ خۆیان مسۆگەر بکەن ، ھەرچەندە ئەوەش دەزانن لە ئەرکێکی زەحمەتدادەبن، لە بارەی ئامادەکارییەکانی یانەی ھەولێریش کاوە ئیبراھیم ڕاھێنەری گۆڵپارێزی یانەی وەرزشی ھەولێر بۆ سایتی گوڵان گوتی: ئامادەکاری باشمان کردوە بۆ ئەوەی بتوانین بەسەر تیپی جەوییە سەربکەوین و سێ خاڵی تر بەدەست بھێنین،سەرکەوتن لەم یارییەش بۆ ئێمە گرنگی خۆی دەبێت بۆ ئەوەی درێژە پێدەری سەرکەوتنەکانمان بین یانەی جەوییەش تیپێکی بەھێزە ، یارییەکەش لە یاریگای خۆمانەو لەبەردەم ھاندەرانی تیپەکە یارییەکەمان ئەنجام دەدەین بۆ بۆیە سەرکەوتن لەم یارییە زیاتر لە پێشەنگمان نزیک دەکاتەوە، بۆ ئەم یارییەش لە تواناکانی ھەریەک لە یاریزانان رێکار ھاشم و بورھاد نادیم بێبەشین بەھۆی پێکانەوە جگە لە یاریزان بارزان شێرزادیش کە ئەویش بەھۆی بوونی ٣ ئیزارەوە ناتوانی لەگەڵمان بەشدار بێت، بۆیە بۆ شوێنی ئەوان یاریزانی ترمان ئامادەیە.
١-مینا٢٠خاڵ
٢-جەوییە١٩خاڵ
٣-نەجەف ١٩خاڵ
٤-ھەولێر١٧خاڵ