لێژنەی سزاكانی یەكێتی تۆپی پێی عێراق، لە كۆبوونەوەی خۆیدا سەبارەت بە رووداوەكانی یارییەكانی چوار هەفتەی خولی نایابی عێراق چەند بڕیارێكی گرنگی دەركرد، كە یانەكان تووشی سزا دەبن.
1- بڕیاردرا بە سزادانی هەر سێ یانەی شورتە و قوە جویە و مینا و زەورا بە ئەنجامدانی سێ یاری داهاتوویان بە بێ جەماوەر.
2- سزادان هەردوو یاریزان عەلی حصنی لە یانەی مینا و یاریزان حەمادی ئەحمەد لە یانەی قوە جویە لە یارینەكردن لەگەڵ یانەكانیان بۆ دوو یاری داهاتوو و غەرامەكردنیان بە بڕی دوو ملیون دینار.
3- سزادانی كارگێری یانەی سەناعە لەتیف موسەنا بە یاوەرینەكردنی یانەكەی بۆ سێ یاری داهاتوو و سزادانی بە بڕی دوو ملیون دینار.
4- سزادانی یاریزانی یانەی نەجەف بە یاوەرینەكردنی تیپەكەی لە سێ یاری داهاتووی یانەكەی و غەرامكردنی بە بڕی دوو ملیون دینار.
5- بڕیاردرا لە هەردوو یاریگای قوە جویە و ئەمانە بەغداد رێگە نادرێت هاندەران لە دواوەی گۆڵپارێز دانیشن بەهۆی دروستكردنی ئاژاوە و هەروەها قەدەغكردنی بردنە ژوورەوەی یارییە ئاگرینەكان.
جێگەی باسە تا ئێستا یەكێتی تۆپی پێی عێراق ئەم برٍیارانەی پەسند نەكردووە، بەڵام بە پێی سەرچاوەكان رەنگە بڕیاری سزادانی هەر چوار یانەی زەورا و شورتە و قوە جویە و مینا لە سێ یاری بۆ یەك یاری كەمبكرێتەوە لە بێبشبوونی ئامادەبوونی هاندەران، ئەگەر هاتوو ئەم سزایانە جێبەجێبكرێت، ئەوە یارییەكەی هەولێر و شورتە لە یاریگەی نەفت كە لە رۆژی (15/10) ئەنجام دەدرێت بە بێ جەماوەر دەبێت.
رێبین رەمزی