لە چوارچێوەی یارییەكانی قۆناغی یەكەمی پاڵەوانێتی جامی عێراق بۆ تۆپی پێی، رۆژانی دووشەممە و سێشەممە یارییەكانی ئەم قۆناغە ئەنجامدرا، كە تیاییدا یارییەكان بەشێوەی دەرچوون بە یەك قۆناغ بەرێوەچوو، لەم قۆناغەدا دوو یانەی كوردستانی بەشدارییان كرد.
رۆژی دووشەممە لە شاری بەغدا یانەی گازی باكوور بووە میوانی یانەی خەتوت، لەم یارییەدا یانەی گازی باكوور تووشی دۆران هاتن بە ئەنجامی (3-1) گۆڵ و ماڵئاوایان لە پاڵەوانێتیەكە كرد.
رۆژی سێشەممە لە یاریگەی نەفت یانەی گارە بووە میوانی قەزانیە، لەم یارییەدا یانەی گارە توانی سەركەوتن تۆمار بكات بە ئەنجامی (2-1) گۆڵ و بگاتە قۆناغی 32ی پاڵەوانێتیەكە.
هەردوو گۆڵی یانەی گارە لە رێگەی یاریزانانان محەمەد ئیسماعیل و رافع خەلەف تۆمار كرد.
ئەنجامی یارییەكانی تر بەمشێوەیە بوو:
خەتوت - گازی باكوور 3-1
قەزانیە - گارە 1-2
دفاع مدنی - مەحمودیە 1-1 بەلێدانی یەكلاكەرەوەی سزا دفاع مدنی سەركەوتنی تۆمار كرد.
جەیش- نجدە 0-0 بە لێدانی یەكلاكەرەوەی سزا جەیش سەركەوتووتنی تۆمار كرد.
شهربان - علم 1-0
قاسم - سدە 0-0 بە لێدانی یەكلاكەرەوەی سزا یانەی قاسم سەركەوتنی بە دەستهێنا.
بەمشێوەیە هەریەكە لە یانەكانی ( گارە، خەتوت، دفاع مدنی، جەیش، شهربان، قاسم، دیالی، سلیخ، صحە، بلد، كوفە) سەركەوتن بۆ یارییەكانی قۆناغی 32 شانبەشانی 20 یانەی خولی نایابی عێراق، كە دواتر تیروپشك بۆ یارییەكانی ئەنجام دەدرێت.
رێبین رەمزی