رۆژی چوارشەممە لە شاری دوحە پایتەختی قەتەر، یارییەكانی پالاًوتن بۆ جامی نەتەوەكانی ئاسیا لەسەر ئاستی تازەپێگەیشتووان دەستیپێكرد، لەم ركابەرییە هەڵبژاردەی عێراق بەشداری تیاییدا كردووە، لەم هەڵبژاردە یاریزانی لاوانی هەولێر (ئەحمەد سەرتیپ) ناسراو بە (لولو) بانگهێشتی هەڵبژاردەكە كراوە.
لە یەكەم یاری هەڵبژاردەی تازەپێگەیشتووانی عێراق توانی سەركەوتن تۆمار بكات و بە ئەنجامی (3-1) گۆڵ لە هەڵبژاردەی تازەپێگەیشتووانی تاجیكستان بباتەوە، لەم یارییە یاریزان كوردەكە لە گێمی دووەم بەشداری كرد و ئاستێكی باشی پێشكەش كرد.
وا بڕیارە ئەمرۆ هەینی هەڵبژاردەی تازەپێگەیشتووانی عێراق دووەم یاری خۆی بەرانبەر هەڵبژاردەی تازەپێگەیشتووانی قەتەر ئەنجام بدات كاتژمێر 7ی ئێوارە و یارییەكە لە كەناڵی دەوری و ئەلكاس بەشێوەیەكی راستەوخۆ دەگوازرێتەوە.
رێبین رەمزی