له‌قۆناخی كۆتایی خولی تۆپی سه‌رمێزی یانه‌كانی عێراقدا كچانی پێشمه‌رگه‌ی سلێمانی ته‌نیا هه‌نگاوێك له‌نازناوی خولی عێراق دوورن
یاریه‌كانی خولی نایابی تۆپی سه‌رمێزی یانه‌كانی عێراق به‌هه‌مان شێوه‌ی كوران له‌سه‌ر ئاستی كچانیش له‌ شارى به‌غداد به‌رێوه‌ده‌چێت و یانه‌ی پێشمه‌رگه‌ی سلێمانیی تاكه‌ نوێنه‌ری هه‌رێمی كوردستان خاوه‌نی 2 سه‌ركه‌وتنی گرنگه‌.
یاریه‌كانی خوله‌كه‌ بۆ ئاستی كچان به‌به‌شداری (5) یانه‌ كه‌بریتین له‌یانه‌كانی (پێشمه‌رگه‌ی سلێمانی و سناعه‌ و فه‌تاتی نه‌جه‌ف و مه‌درسه‌ی تایبه‌تمه‌ند و شوڕته‌) به‌رێوه‌ده‌چێت.
له‌یه‌كه‌مین رۆژی یاریه‌كانی پاڵه‌وانێتیه‌كه‌دا كچانی یانه‌ی پێشمه‌رگه‌ 2 سه‌ركه‌وتنی گرنگیان تۆماركرد و (3-0) له‌كچانی نه‌جه‌ف و (3-1) له‌كچانی شوڕته‌یان برده‌وه‌ ، له‌ئێستاشدا و له‌كاتی سه‌ركه‌وتنیان به‌رامبه‌ركچانی یانه‌ی سناعه‌ ئه‌وا نازناوه‌كه‌ ده‌به‌خشنه‌ هه‌رێمی كوردستان.
ئه‌نجامی یاریه‌كانی رۆژی یه‌كه‌م :
پێشمه‌رگه‌ی سلێمانی 3-0 فه‌تاتی نه‌جه‌ف
سناعه‌ 3-1 شورته‌
مه‌دره‌سه‌ی تایبه‌تمه‌ند 3-0 نه‌جه‌ف
پێشمه‌رگه‌ی سلێمانی 3-1 شوڕته‌
سناعه‌ 3-0 فه‌تاتی نه‌جه‌ف
شوڕته‌ 3-0 فه‌تاتی نه‌جه‌ف .
بێوه‌ی ئه‌حمه‌د - به‌غدا