ئەمرۆ دووشەممە لە شاری بەغداد كۆتایی بە پاڵەوانێتی جمهوری لەسەر ئاستی پارێزگاكانی عێراق بۆ تێنسی سەرمێز هات، كە لەسەر ئاستی كچان و كوران بۆ پێشكەتووان و تازەپێگەیشتووان و بەچكەشێران، لەم پاڵەوانێتیە هەڵبژاردەكانی هەولێر و كەركووك و سلێمانی و دهۆك بەشداریان كرد و توانیان بە تەواوی كۆنترۆڵی پاڵەوانێتیەكەیان كرد.
لەسەر ئاستی بەچكەشێران هەڵبژاردەی سلێمانی پلەی یەكەمی بە دەستهێنا و هەڵبژاردەی دهۆك پلەی دووەمی بە دەستهێنا، لەسەر ئاستی تازەپێگەیشتووان هەڵبژاردەی دهۆك پلەی یەكەمی بە دەستهێنا، لەسەر ئاستی كچان هەڵبژاردەی كەركووك ئەنجامەكەیان وەكو پێویست نەبوو، لەسەر ئاستی پێشكەوتووان هەڵبژاردەی هەولێر پلەی سێیەمی بە دەستهێنا و هەڵبژاردەی كەركووك ئەمشەو یاری كۆتایی بەرانبەر هەڵبژاردەی بەغداد ئەنجام دەدات.
رێبین رەمزی