رۆژی هەینی لە یاریگەی دووەمی شەهید فرەنسۆ هەریری كۆتایی بە پاڵەوانێتی بیبسی تۆپی پێی گەنجان هات، كە لەم پاڵەوانێتیە زیاتر لە 500 تیپ لەسەر ئاستی هەر سێ پارێزگای هەولێر و دهۆك و سلێمانی بەشداریان كردبوو و ماوەی 5 رۆژی خایاند.
لە رۆژی كۆتایی پاڵەوانێتیەكەدا چوار تیپی شاری هەولێر گەیشتنە چوار گۆشەی زێرین و رووبەرووی یەكتر بوونەوە.
لە یاری كۆتایی پاڵەوانێتیەكەدا هەردوو تیپی چیای نۆی و تۆبزاوە رووبەرووی یەكتر بوونەوە، دوای ئەوەی كاتی ئاسایی یارییەكە هەردوو تیپ بە ئەنجامی (1-1) گۆڵ یەكسانبوون لە لێدانی یەكلاكەرەوەی سزا تیپی چیایی نۆێ بووە پاڵەوانی خولەكە و لە یاری پلەی سێیەم و چوارە هەردوو تیپی بەهار و نیسان رووبەرووی یەكتر بوونەوە لە كاتی ئاسایی یارییەكە هەردوو تیپ بە ئەنجامی (1-1) گۆڵ یەكسانبوون لە لێدانی یەكلاكەرەوەی سزا تیپی نیسان سەركەوتوو بوو و پلەی سێیەمی پاڵەوانێتیەكەی بە دەستهێنا.
ریزبەندی كۆتایی پاڵەوانێتیەكە بەمشێوەیە بوو.
1- تیپی چیایی نوێ پلەی یەكەم و خەڵاتی 12 ملیۆن دیناری بردەوە.
2- تیپی تۆبزاوە پلەی دووەم و خەڵاتی 6 ملیۆن دیناری بردەوە.
3- تیپی بەهار پلەی سێیەم خەڵاتی 3 ملیۆن دیناری بردەوە.
باشترین یاریزانی پاڵەوانێتیەكە: هەرێم تەحسین لە تیپی چیایی نوێ بڕی 500 هەزار دینار خەڵاتكرا.
گۆڵكاری پاڵەوانێتیەكە: خوسێن جوبرائیل لە تیپی نیسان 12 گۆڵی تۆماركرد و بە بڕی 500 هەزار دینار خەڵاتكرا.
رێبین رەمزی
فۆتۆ: سانی ناسیح