دوای ئەوەی یانەی شورتە ماڵئاوایی لە جامی یەكێتی ئاسیا كرد و خولی عێراق بەهۆی چەند هۆكارێكەوە یارییەكان دواخرا، لەم ماوەیە یانەی شورتە تووشی كێشەیەكی كارگێری هات لەگەڵ یاریزانە پیشەگەرەكان، چونكە بە پێی ئەو گرێبەستی، كە لە نێوان هەردوو لا مۆركراوە گرێبەستی یاریزانەكان لە رۆژی (15/6/2015) تەواو دەبێت.
بۆیە لە رۆژانی رابردوو راستەوخۆ هەر سێ یاریزانی پیشەگەری یانەی شورتە (مكای بۆكار) كامیرۆنی و (كایۆن) بەرازیلی و (فلیكس) كۆتی دیڤواری یانەكەیان جێهێشت گەرانەوە وڵاتی خۆیان و بە نیازی بەرزكردنەوەی داوای یاسایی لەسەر یانەی شورتەن، چونكە یانەكە ئامادە نییە گرێبەستیان بداتی.
لەمباریەوە دەستەی كارگێری یانەی شورتە نیگەرانی خۆی نیشانداوە و ئەمەش بە هەلەی دەستەی كارگێری رابردوو دادەنێت، كەنیان توانیوە بە شێوەیەكی پیشەگەرانە گرێبەست مۆربكەن.
رێبین رەمزی