یەكێتی تۆپی پێی عێراق لە كۆوبونەوەی ئاسایی خۆیدا چەندین بڕیاری گرنگی سەبارەت بە وەرزی نوێی خولەكە دا، كە تیاییدا كاتی دەستپێكردن و كۆتایی هاتنی خولەكەی دەستنیشان كرد و هەروەها چۆنیەتی بەرێوەچوونی خولەكی دەستنیشانكرد و تەئكیدی لەوە كردووە، كە وەرزی داهاتوو پەراوی تایبەت بە خولەكە تایب دەكرێت بۆ ئەوەی بەهیچ شێوەیەكی رێگە نەدرێت گۆرانگاری لە كات و ساتی یارییەكان بكرێت.
گرنگترین بڕیارەكان بەمشێوەیە بوو:
1- یارییەكانی وەرزی داهاتووی خولی عێراق لە رۆژی (15-9-2015) دەست پێدەكات و لە رۆژی ( 1-6-2016) تەواو دەبێت.
2- لە وەرزی داهاتوو خولی عێراق بەشێوەی خول بە دوو قۆناغ ئەنجام دەدرێت.
3- بەهیچ شێوەیەك یارییەكان دواناخرێت ئەگەر هەر یانەیەك زیاتر لە چوار یاریزانیشی بانگهێشتی هەڵبژاردەی عێراق بكرێت.
4- هەر یانەیەك مافی هەیە ناوی (40) یاریزان ئاراستەی یەكێتی تۆپی پێی عێراق بكات و ئەم ناوانە دەتواندرێت لە كاتی گواستنەوەی زەستانە بگۆردرێت.
5- بێر لەوە دەكرێتەوە ژمارەی پیشەگەرەكان بكرێتە پێنج یاریزان بەمەرجێك لە كاتی یاریكردن تەنیا چوار یاریزانی پیشەگەر لە نێو یاریگا بێت.
جێگەی باسە بەفەرمی هەردوو یانەی سلێمانی و مەسافی دابەزین بۆ خولی پلە یەكی عێراق.
رێبین رەمزی