کارزان کانەبی
ھەرچەندە یارییەکانی خولی نایابی یانەکانی کوردستان تەنیا دوو ھەفتەی ماوە بە کۆتایی بھێت، یانەی نەورۆزی شاری سلێمانیش بە ھیواوە دەروانە ئەو دوو یارییەی ماویانە لەبەرامبەرھەریەک لە یانەکانی ئارارات و پیشمەرگەی ھەولێر بۆیە ڕاھێنەری یانەکە پلانی تۆکمەی داناوە بۆ ڕووبەرووبوونەوەی ئەم دوو یانەیە و بەدەستھێنانی سەرکەوتن بۆ ئەوەی کێبرکێ لەگەڵ ھەردوو یانەکانی زێرەڤانی و دھۆک بکات بۆ ئەوەی ھەر شکستێکی ئەوان بقۆزێتەوە و خۆیان ببەنە خانەکانی پێشەوەی ریزبەندی یانەکان چونکە یانەی نەورۆز خاوەنی ٣٨خاڵە و لە پلەی سێ یەمی ریزبەندی یانەکان دێت، لەم بارەشەوە ئەرسەلان جەلال ڕاھێنەری یانەی نەورۆز راگەیاند گوتی: لە ئێستادا ئێمە تەنیا بیر لەوە دەکەینەوە چۆن شەش خاڵی گرنگ بەدەستبھێنین لەبەرامبەر یانەکانی ئارارات و پێشمەرگەی ھەولێر کە دوویاری زەحمەتە بۆ ئێمە چونکە تەنیا یەک یاری لە ناو یاریگای خۆمانە و دەمانەوێ کێبرکێ بەدەستھێنانی ئەنجامی شایستە و نازناوەکەش بکەینەوە ئەوەش بۆ ئەوە دەگەرێتەوە کە دەبێت یانەکانی دھۆک و زێرەڤانی دووچاری شکست بێن ئەوکاتیش ئێمە ئەنجامی سەرکەوتن تۆماربکەین، ئێمە بەرنامەی تایبەتمان ھەیە بۆ ئەم دوو یارییە چونکە سەرکەوتنی ئێمە ئەنجامی باشمان دەبێت و دەتوانین بەردەوامین لە کێبرکییەکان ھەرچەندە ئەم یارییەش بۆ ئێمە گرنگی خۆی دەبێت، یانەکانیش وەکو ئێمە ھیوایان ھەیە ، بەڵام یاریزانانی ئێمە بەلێنی ئەوەیان داوە کەوا ئەنجامەکەمان دڵخۆشکەربێت ئەم وەزرە ئەوەش بە ھاوکاری ھەموو لایەک دەبێت.