رۆژی پێنجشەممە لە هۆڵی یانەی پێشمەرگەی سلێمانی بە بەشداریكردنی یانەكانی ( پێشمەرگەی سلێمانی، برایەتی، دهۆك، موسل، هەلەبجەی شەهید، سلێمانی، سۆلاڤ، ئاشتی) خولی تۆپی سه‌رمێزی عێراق كۆمه‌ڵه‌ی باكوور ئەنجام دەدرێت.
لەم كۆمەڵەیە سێ یانە بۆ خولی پلە یەكەكانی عێراق دادەبەزێت و سێ یانە سەردەكەوێت بۆ قۆناغی داهاتوو، تاوەكو لە قۆناغی كۆتایی شانبەشانی یانە سەركەوتووەكانی ناوچەی باشوور و ناوەڕاست ركابەری لەسەر نازناوی پاڵەوانێتیەكە بكەن، كە وا بڕیارە لە شاری نەجەف یاخود بەغداد ئەنجام بدرێت.
لە وەرزی ئەمساڵدا بڕیاردراوە بەهیچ شێوەیەك یانەكان بۆیان نییە یاری بە یاریزانی پیشەگەر بكەن.
رێبین رەمزی