لە چوارچێوەی یارییەكی دواخراوی خولی عێراقدا بۆ تۆپی پێی، لە یاریگەی شەهید فرەنسۆ هەریری لە شاری هەولێر، یانەی هەولێر میوانداری یانەی كارەبای كرد.
لەم یارییەدا یاریزانانی هەولێر ئاستێكی بەرزیان پێشكەش كرد و توانیان یارییەكە بە ئەنجامی (3-2) گۆڵ ببنەوە و خۆیان لە چوار گۆشەی زێرینی خولەكە نزیك بكەنەوە.
لەم یارییەدا هەریەكە لە یاریزانان سەعد عەبدولئەمیر دوو گۆڵ و لوئەی سەڵاح گۆڵەكانی یانەی هەولێریان لە خولەكەكانی (14،62،87) تۆمار كرد و هەردوو گۆڵی كارەبا لە رێگەی یاریزانان (ئەحمەد عەبدولعەباس و محەمەد سەڵاح) لە خولەكەكانی (37،43) تۆمار كرد.
بەم ئەنجامە یانەی هەولێر كۆی خاڵەكانی بۆ 24 خاڵ بەرزكردووە و لە پلەی پێنجەمی كۆمەڵەی یەكەم دێت.
رێبین رەمزی
فۆتۆ: هەردی مالیك