وا بڕیارە رۆژی هەینی (7/11/2014) كاتژمێر 2:30 خولەكی ئێوارە لە یاریگەی پیرەمەگروون یاری كۆتایی خولی پلە سێیەكانی كوردستان بۆ تۆپی پێی ئەنجام بدرێت لە نێوان هەردوو یانەی پیرەمەگروون و شۆریجە.
بۆ ئەم مەبستەش یەكێتی تۆپی پێی كوردستان دەستەی ناوبژیوانی یارییەكەی دەستنیشان كرد، كە پێكهاتووە لە (هێمن مەحمود) ناوبژیوانی ناوەڕواست و (ئاراس مەحمود) یاریدەدەری یەكەم و ( بلال محەمەد) یاریدەدەری دووەم و ( هونەر رەحیم) ناوبژیوانی چوارەم و (تەلعەت سەعدوڵڵا) سەرپەرشتیاری یارییەكەیە.
جێگەی باسە بەفەرمی هەردوو یانەی شۆریجە و پیرەمەگروون گەیشتە خولی پلە دووەكانی كوردستان بۆ وەرزی داهاتوو.