دوای گەشتێكی دوور و درێژ، كە ماوەی 3 رۆژی خایاند لە هەولێر بۆ بەغداد دواتر بۆ ئەبو زەبی پاشان بۆ بانكۆك دواین جار بۆ ڤێتنام، شاندی یانەی هەولێر رۆژی شەممە گەیشتە شاری هانۆی پایتەختی ڤێتنام، لەگەڵ گەیشتنی شاندەكە راستەوخۆ چوونە شوێنی حەوانەوە پاشان لە نێو هۆتێل مەشقێ خاوكردنەوەی ماسوولكەكان و حەوانەوە بۆ یاریزانەكان ئەنجام درا.
وا بڕیارە ئەمرۆ یەكشەممە یانەی هەولێر یەكەم مەشقی خۆی لە وڵاتی ڤێتنام ئەنجام بدات.
شاندەكە بە سەرۆكایەتی د.عەبدوڵڵا مەجید و لە 26 كەس پێكهاتووە، (عومەر سەلیم (بەرێوەبەری تیپ)، رێبین رەمزی (رێكخەری راگەیاندن)، ئەیوب ئۆدیشۆ (راهێنەر)، جەلیل زێدان (راهێنەری گۆڵچی)، عامر سابت (كارگێری)، پوشۆ خەسرەو (كارگێری)، عەبدولخالق محەمەد (پزیشك)، یاریزانان (جەلال حەسەن، نەریمان خدر، كۆسرەت بایز، هەردی سیامند، میران خەسرۆ، عەلی فائز، بورهان جومعە، نەدیم سەباغ، هەڵگورد مەلا محەمەد، هاوار مەلا محەمەد، نەبیل سەباح، سەعد عەبدولئەمیر، ڤیكتۆر، محەمەد جەفال، لوئەی سەڵاح، ئەمجەد رازی، ئەحمەد محەمەد، حاتم زێدان).
بەهۆی ونبوونی پاسپۆرتی یاریزان دیار رەحمان نەیتوانی یاوەری شاندەكە بێت و سەرهەنگ موحسین بەهۆی پێكان و یاریزان ئیڤان كارێل بەهۆی بوونی كێشەی دەستبەرداربوونی لەگەڵ یانە یۆنانیەكە و یاریزان گۆتۆر بەهۆی بوونی كێشەیەكی تایبەت بەخۆی نەیانتوانی یاوەری شاندەكە بن.
رێبین رەمزی - ڤێتنام