دوای تەواوبوونی یارییەكانی جامی جیهانی 2014 ئەستێرەی لاوی هەڵبژاردەی كۆڵۆمبیا و یانەی مۆناكۆ جیمس رۆدریگیز بووە گۆڵكاری جامی جیهانی دوای تۆماركردنی 6 گۆڵ لە پێنج یاری و بۆ یەكەم جار توانی هەڵبژاردەكەی بگەێنتە قۆناغی هەشت-ی پاڵەوانێتیەكە.
جیمس رۆدریگیز لە 5 یاری بەشداری كرد و 399 خولەك یاری كرد و 6 گۆڵی تۆماركرد و دوو گۆڵی دروستكردووە و 10 تۆپی رەتكردیتەوە و لە 69% پاسەكانی دروست بووە و 10 فاوڵی لەسەر گیراوە و یەك كارتی زەرد وەرگرتووە و هیچ كارتێكی سووری وەرنەگرتووە، هەرچەندە ئەم یاریزانە لە هێڵی ناوەڕاست یاخود لە دوای هێرشبەر یاری دەكات، بەڵام بووە ئەستێرەی پاڵەوانێتیەكە.
و هەروەها یاریزانی هەڵبژاردەی ئەڵمانیا تۆماس مۆلەر خەڵاتی گۆڵكاری دووەمی پاڵەوانێتیەكەی وەرگرت بە تۆماركردنی 5 گۆڵ.
رێبین رەمزی