دوای ئەوەی رۆژی چوارشەممە یەكێتی تۆپی پێی عێراق، بەفەرمی بڕیاری دا یارییەكانی خولی عێراق تەواو نەكرێت و كۆتایی پێبهێنێت بە بێ دەستنیشانكردنی پاڵەوانی خولەكە، هەر لە ئێستاوە یانەی زاخۆ گفتوگۆ لەگەڵ پێنج یاریزان پیشەگەر دەكات بەمەبەستی مۆركردنی گرێبەست لەگەڵ چوار یاریزانی پیشەگەر لە وەرزی داهاتوو و ئەم پێنج یاریزانە ئێستا لەگەڵ هەڵبژاردەكەیان بەشداری لە جامی جیهانی 2014 دەكەن.
بە پێی سەرچاوەیەكی باوەرپێكراو و نزیك لە یانەی زاخۆ، تەئكیدی لەوە كردووە، كە یانەی زاخۆ دەستی بەگفتوگۆ لە پێنج یاریزانی پیشەگەر بەشداربووی مۆندیالی 2014 بەرازیل دەكەن، كە ئەوانیش بەمشێوەیە:
1- خۆسیە كویبرۆ یاریزانی هەڵبژاردەی كۆستاریكا ژماری درێسی (22) تەمەن 27 ساڵ لە هێڵی ناوەراست یاری دەكات.
2- راندال برینیس یاریزانی هەڵبژاردەی كۆستاریكا ژماری درێسی (14) تەمەن 30 ساڵ لە هێڵی هێرشبەر یاری دەكات.
3- مایكل ئۆمانا یاریزانی هەڵبژاردەی كۆستاریكا ژماری درێسی (4) تەمەن 31 ساڵ و لە هێڵی بەرگری یاری دەكات.
4- رۆنی مارتینیز یاریزانی هەڵبژاردەی هندۆراس ژماری درێسی (16) تەمەن 26 ساڵ و لە هێڵی هێرشبەر یاری دەكات.
5-ماریۆ مارتینیز یاریزانی هەڵبژاردەی هیندۆراس ژماری درێسی (10) تەمەن 24 ساڵ و لە هێڵی ناوەڕاست یاری دەكات.
جێگەی باسە بە پێی ئەم سەرچاوەیە تا ئێستا مەرجی ئەم یاریزانانە ئەوەیە تەنیا لە شارەكانی كوردستان یاری بكەن و تا ئێستا دەستەی كارگێری یانەی زاخۆ هیچ شتێكی لەمباریەوە نەگوتووە و بەشێوەیەكی نهێنی گفتوگۆیەكان دەكات.
رێبین رەمزی