دوای ئەوەی رۆژی چوارشەممە لە چوارچێوەی یارییەكانی جەولەی دووەمی جامی جیهانی 2014، هەڵبژاردەی ئیسپانیا بەفەرمی ماڵئاوایی لە پاڵەوانێتیەكە كرد دوای دۆراندنی بەرانبەر هەڵبژاردەی شیلی بەئەنجامی (2-0) گۆڵ هەر لەگەڵ فیكەی تەواوبوونی یارییەكە رۆژنامەكانی ئیسپانیا هێرشێكی توندیان كردە سەر راهێنەر و یاریزانانی هەڵبژاردەكە، ئەمەش سەردەیری رۆژنامەكانی ئیسپانییە.
- رۆژنامەی ماركا: شكێندراوین، پاڵەوانی جیهان شوێنی چۆل كرد و بەشێوازێكی گالتەئامێز ماڵئاوایمان لە مۆندیال كرد.
- رۆژنامەی ئاس: لە ماركانا ماڵئاوا مۆندیا، ئیسپانیا دۆرا بە بێ بوونی كاردانەوە، ئیسپانیا پاڵەوانی جیهان بوو كەچی ئەمرۆ یەكەم هەڵبژاردە بوو ماڵئاوایی كرد.
- ئەلمۆندۆ دیگەرتیگۆ: دل بۆسكی نەیتوانی لە شیلی بباتەوە و ئیسپانیا ماڵئاوای كرد لە رۆژێكی ناخۆشدا لە پاڵەوانێتیەك كە پاڵەوان بوو.
- رۆژنامەی سپۆرت: دەرچوونێكی مێژووی بۆ ماتادۆر و بە شایستەیی، ئیسپانیا دەكشێتە دواوە و ماڵئاوا لە مۆندیال دەكات لە قۆناغی یەكەم بۆ بەرژەوەندی سانشێز كەتالۆنی.
- رۆژنامەی كۆنفدینسیال: ئیسپانیا هەر زوو دەستی لە جامە بەردا... لە قۆناغی یەكەم ماڵئاوای كرد، پیاوەكانی دیل بۆسكی وەستان بەرانبەر شیلی.
جێگەی باسە هەڵبژاردەی شیلی و هۆڵەندە بەفەرمی سەركەوتن بۆ قۆناغی دووەمی جامی جیهانی 2014 دوای تۆماركردنی دوو سەركەوتن لەم پاڵەوانێتیە.
رێبین رەمزی