به‌ئاماده‌بوونی سه‌رۆك و جێگرانی سه‌رۆك و ئه‌مینداری گشتی و ئه‌مینداری دارایی و ئه‌ندامانی ده‌سته‌ی راپه‌راندن و به‌رپرسی نوێنه‌رایه‌تی سلێمانی و دهۆك ، لیژنه‌ی ئۆلۆمپی هه‌رێمی كوردستان كۆبۆوه‌ ، له‌م كۆبوونه‌وه‌یه‌دا تاوتوێی ئێستای بارودۆخی وه‌رزشی هه‌رێمی كوردستان كرا دواتر بریار له‌سه‌ر ئه‌م چه‌ند خالانه‌ی خواره‌وه‌ درا
1- په‌سه‌ند كردنی كۆنووسی كۆبوونه‌وه‌ی پێشوو
2- لقی یه‌كێتیه وه‌رزشیه‌كان هیچ هه‌لبژاردنێك ئه‌نجام ناده‌ن هه‌تا ره‌زامه‌ندی نوێنه‌رایه‌تی شاره‌كانی هه‌رێم و لیژنه‌ی ئۆلۆمپی له‌سه‌ر نه‌بێت
3- ره‌زامه‌ندی نه‌درا له‌سه‌ر ناوه‌رۆكی نوسراوی یه‌كێتی تۆپی سه‌رمێزی كوردستان به‌پێی رێنماییه‌ داراییه‌كانی سه‌رۆكایه‌تی ئه‌نجومه‌نی وه‌زیران تایبه‌ت به‌هاوكاری و شاند كردن
4- ره‌زامه‌ندی درا به‌ئاراسته‌كردنی نوسراوێك بۆ سه‌رۆكایه‌تی ئه‌نجومه‌نی وه‌زیرانی هه‌رێمی كوردستان سه‌باره‌ت به‌دابین كردنی خه‌رجی سه‌فه‌ری شاندی هه‌لبژارده‌ی كوردستان بۆ به‌شداریان له‌پاله‌وانێتی كیك بۆكسینگی جیهانی له‌ولاتی به‌ریتانیا
5- په‌سه‌ندكردنی راپۆرتی دارایی مانگی 3 - 2014.
راگه‌یاندنی لیژنه‌ی ئۆلۆمپی هه‌رێمی كوردستان