رۆژنامەكانی ئیتالیا دووپاتیان كردەوە یانەی ئینتەرمیلان بڕیاری داوە لە كۆتایی ئەم وەرزە ژمارە 4 لەسەر درێسەكانی یانەكەی رەش بكاتەوە وەك رێزلێنانێك بۆ یاریزانی ئەرژەنتینی خافێر زانیتی كە بڕیاری وازهێنانی یەكجارەكی داوە، رۆژنامەی كۆریری دیللو سپۆرت ئەم هەواڵەی پشتراستكردەوە و رایگەیاند یانەی ئینتەر میلان بەهیچ شێوەیەك رێگا بەهیچ یاریزانێك نادات درێسی ژمارە 4 بپۆشێت لەدوای وازهێنانی یاریزان زانیتی.
زانیتی دوا یاری خۆی لە یاریگای جۆسێپی مبانزا (سان سیرۆ) ئەنجامدا كاتێك یانەكەی سەركەوت بەسەر یانەی ناپۆلی بەئەنجامی (4-1) گۆڵ و دواتر كەرنەڤالێكی رێزلێنانی بۆ ئەنجامدرا، زانیتی لە تەمەنی 19 ساڵی پەیوەندی بەیانەی ئینتەرەوە كردووە و زیاتر لە 700 یاری لەگەڵ ئەم یانەیە ئەنجامداوە و لەكیشوەری ئەوروپا یاری بۆ هیچ یانەیەك نەكردووە تەنها بۆ یانەی ئینتەرمیلان نەبێت، شایانی باسە پێشتر یانەی ئینتەر میلان درێسی ژمارە 3ی رەش كردەوە وەك رێزلێنان بۆ یاریزانی پێشوو فاكێتی.