لەشاری نیسی فەرەنسی تیروپشكی یارییەكانی پاڵاوتنی جامی نەتەوەكانی ئەوروپای 2016 راكێشرا كە یارییەكانی لەوڵاتی فەرەنسا ئەنجام دەدرێت، لەم پاڵاوتنەدا 53 هەڵبژاردە بەشداری تێدا دەكەن و بەسەر نۆ گروپ دابەشكراون، لەهەر گروپێكدا بە شێوەیەكی راستەوخۆ دوو هەڵبژاردە دەگەنە یارییەكانی كۆتایی لەگەڵ باشترین سێیەم لەهەر نۆ گروپدا، لە نێوان هەشت سێیەمەكانی گروپەكانیش پاشكۆی پاڵاوتن ئەنجام دەدرێت و چوار هەڵبژاردەی دیكە سەردەكەون بۆ كۆتاییەكان، بەمەش ژمارەی هەڵبژاردە بەشداربووەكان بۆ یەكەم جار دەگاتە 24 هەڵبژاردە، یارییەكانی پاڵاوتن لە مانگی ئەیلولی 2014 دەست پێدەكات و لە مانگی تشرینی دووەمی 2015 كۆتایی دێت، ئەنجامی تیروپشكەكەش بەم شێوەیە بوو :
* گروپی یەكەم
هۆڵەندا – كازاخستان – ئایسلەندا – لاتڤیا – توركیا – كۆماری چیك
* گروپی دووەم
بۆسنیا – ئەندۆرا – قوبرس – ئیسرائیل – وێلز – بەلژیكا
* گروپی سێیەم
ئیسپانیا – لۆكسەمبۆرگ – بیلاروسیا – مەقدۆنیا – ئۆكرانیا – سلۆڤاكیا
* گروپی چوارەم
ئەڵمانیا – جەبەل تارق – پۆلەندا – جۆرجیا – ئوسكوتلەندا – كۆماری ئێرلەندا
* گروپی پێنجەم
ئینگلتەرا – سان مارینۆ – لیتوانیا – سویسرا – ئەستۆنیا – سلۆڤینیا
* گروپی شەشەم
یۆنان – رۆمانیا – فنلەندا – هەنگاریا – ئێرلەندای باكوور – دوورگەكانی ڤارۆ
* گروپی حەوتەم
رووسیا – لیشتنشتاین – مۆلدۆڤا – مۆنتینیگرۆ – نەمسا – سوید
* گروپی هەشتەم
ئیتالیا – ماڵتا – ئازەربیجان – بولگاریا – نەرویج – كرواتیا
* گروپی نۆیەم
پورتوگال – ئەلبانیا – ئەرمینیا – سربیا – دانیمارك – فەرەنسا (خاڵەكانی هەژمار ناكرێن)