هەمیشە هاندەرانی یانە بەناوبانگەکانی جیهان دووچاری کێشەیەکی گەورە دەبنەوە کاتێک یاریزانێکیان بەرەو یانەیەکی تر دەڕوات نازانن چۆن سوود لەو درێسانە وەربگرن کەناو و ژمارەی ئەو یاریزانەی پێوەیە، بەڵام لای هاندەرێکی چێڵسی شتەکە پێچەوانەیە.

وێنەی درێسێک لەتۆڕە کۆمەڵایەتیەکاندا بڵاوبۆتەوە کەتێیدا هاندەرێکی چێڵسی چارەسەرێکی نامۆی بۆ درێسەکەی ماتا دۆزییەوە و ناو ژمارەکەی گۆڕی بۆ یاریزانی تا هاتوو (ماتیچ).

بەهۆی ئەوەی پیتی یەکەم و دووەم و سێهەمی ناوی ماتا نزیکە لەماتیچەوە ئەو هاندەرە دووچاری سەرئێشە نەبووە و تەنها پیتی ئەی لابردووە و (ئای و سی) زیاکردووە، هەروەها بۆ ژمارەکەش هاندەرەکە سفرێکی لابردووە و ژمارە دووی لای ژمارە یەکەوە نووسیوە بەوەش بووە بە ٢١.












خەندان