كارزان كانەبی
لەمیانی یارییە دۆستانە ئامادەكارییەكانی بۆ خولی نایابی یانەكانی عێراقی كە بڕیارە لە 25ی ئەم مانگە یارییەكانی دەست پێبكاتەوە، تیپی تۆپی خولی عێراقی یانەی زاخۆ بۆ خۆئامادەكارییەكان و بەهێز كردنی ئاستی تیپەكە لە وڵاتی توركیایە بۆ ئەنجامدانی چەند یارییەكی دۆستانە، هەر چەندە لە یاری یەكەمدا تیپی زاخۆ لەبەرامبەر بەلەدیەی دیار بەكر سپۆرت دووچاری شكست هات بە ئەنجامی(2-0)گۆڵ، بەڵام لە یاری دووەمی یانەكەی لەبەرامبەر یانەی ئاركانی بەلەدیەی سپۆرت، یاریزانانی یانەی زاخۆ لەم یارییەدا ئاستێكی بەرزیان پێشكەش كرد لە یارییەكەدا و توانیان كۆنترۆڵی یاریگا بكەن و یارییەكەش بە ئەنجامی(7-0)گۆڵ سەركەوتن بەدەست بهێنن، گۆڵەكانی یانەی زاخۆش لەرێگای هەریەك لە یاریزانان(ساڵح سدیر، ئەحمەد مناجد2گۆل، حاتم عەلی، ساڵح جابر3گۆڵ)تۆماركران، لەبارەی ئەنجامدانی ئەم كەمپە مەشقیە و چەند یارییەكی دۆستانە، خەلیل ئەحمەد سكرتێری یانەی وەرزشی زاخۆ بۆ گوتی: ئێمە بۆ زیاتر ئامادە كارییەكانی تیپەكەمان ئەم دوو یارییە ئامادەكارییەمان ئەنجامدا لە وڵاتی توركیا بۆ ئەوەی هێلە لاوازەكانی خۆمان ببینینەوە و زیاتر كار لەسەر باشتر بوونی هێلەكانی یارییەكانمان بكەین بتوانین لەم قۆناغە ئاستێكی بەرز پێشكەش بكەین.