پاش ئەنجامدانی چەند کۆبوونەوەيەکی يەک لە دوای يەک لەنێوان دەستەی بەڕێوبەرانی يانەی بەرشلۆنەی ئيسپانی بەمەبەستی گەورەکردنی ياريگای کامپ نۆ دواجار بڕيار لەسەر ئەو پرسە دراو ڕووبەری ياريگاکە زياد دەکرێت.

لە کۆنگرەيەکی ڕۆژنامەوانيداو بەسەرپەرشتی ساندرۆ ڕۆسێلی سەرۆکی يانەکە پلانی گەورەکردنی ياريگای کامپ نۆی تايبەت بە يانەی بەرشلۆنە خرايەڕوو ، بەپێی پلانەکە دەستەی بەڕێوبەرانی يانەکە ئامانجيانە ياريگای کامپ نۆ بکەنە گەورەترين ياريگای ئەوروپا بۆ لەخۆ گرتنی زۆرترين هاندەر، لە ئێستادا ئەو ياريگايە توانای لە خۆگرتنی ٩٨ هەزار هاندەری هەيە ، بەڵام بەپێی پلانە نوێيەکە شوێنی ١٥ هەزار کورسی ديکەو چەند بەشێکی گرنگ بۆ ياريگاکە زياد دەکرێت و چەندين تەکنيکی نوێ و ناوازەی نوێی بۆ دادەندرێت ، هەروەها لەسەرەتای ساڵی ٢٠١٧ دەستدەکرێت بە کارکردن لە پلانەکەداو دەبێت لە سەرەتای ساڵی ٢٠٢١ بەکۆتابێت.

بەڵام تێچووی ئەم پلانەش نزيکەی ٦٠٠ مليۆن يۆرۆيە ، بۆ ئەو مەبەستە يانە کەتەلۆنييەکە پەنادەباتە بەر قەرزی بانکەکان نزيکەی ٢٠٠ مليۆن يۆرۆ قەرز دەکات و هەروەها لەفڕۆشتنی ناوی ياريگايەکەيان نزيکەی ١٠٠ مليۆن يۆرۆی ديکەيان دەستدەکەوێت ، بەو پێيەش کاری نوێ کردنەوەو گەورەکردنی ياريگاکە قورس نابێت و چەند سەرچاوەيەکی تريش وەکو يەدەگ داندراون بۆ يارمەتيدانی يانەکە.



























خەندان