دواجار زیكۆی به‌ڕازیلی و راهێنه‌ری پێشووی هه‌ڵبژارده‌ی شێره‌كانی رافیده‌ین، دۆسیه‌كه‌ی دادگای له‌یه‌كێتی تۆپی پێی عێراق برده‌وه‌ و دادوه‌ری یه‌كێتی تۆپی پێی جیهان سزایه‌كی توندی به‌سه‌ر لایه‌نی عێراقیدا سه‌پاند.

ئه‌مڕۆ (شه‌ممه‌) زیكۆی به‌ڕازیلی له‌لێدوانێكیدا بۆ سایتی (iraqfpg) ووتی: ئه‌و دۆسیه‌ی له‌سه‌ر یه‌كێتی تۆپی پێی عێراق بۆ فیفام به‌رزكرده‌وه‌ له‌به‌رژه‌وه‌ندی من كۆتایی هات و ده‌بێت عێراق پابه‌ندبێت به‌خاڵه‌كانی ئه‌و گرێبه‌سته‌ی له‌نێوانماندا ئیمزاكراوه‌.

سزاكه‌ی یه‌كێتی تۆپی پێی جیهان چه‌ند خاڵێك له‌خۆده‌گرێت، گرنگترینیان بریتیه‌ له‌پێدانی 2 ملیۆن دۆلار به‌زیكۆی به‌ڕازیلی، ئه‌گه‌ر یه‌كێتی تۆپی پێی عێراق به‌بڕیاره‌كانی دادگاوه‌ پابه‌ند نه‌بێت ئه‌وا سه‌رجه‌م چالاكیه‌ ده‌ره‌كیه‌كانی راده‌گیرێت.













خه‌ندان