عه‌لی كافاشیانی سه‌رۆكی یه‌كێتی تۆپی پێی ئێران ئاشكرایده‌كات نامه‌یه‌كیان ئاڕاسته‌ی لێپرسراوانی یه‌كێتی تۆپی پێی جیهان (فیفا) كردووه‌ و تێیدا ناڕه‌زاییان ده‌ربڕیوه‌ له‌سه‌ر نوسینێكی ناو سایتی ره‌سمیی ئه‌و یه‌كێتیه‌ جیهانییه‌.

له‌سایتی یه‌كێتی تۆپی پێی جیهان (فیفا) له‌به‌شی ناساندنی هه‌ڵبژارده‌ی ئیماراتدا نووسراوه‌ (نزیكترین ده‌ریا یاخود ئۆقیانووس: كه‌نداوی عومان) كه‌ئه‌وه‌ش به‌بڕوای یه‌كێتی تۆپی پێی ئێران هه‌ڵه‌یه‌كی گه‌وره‌یه‌ چونكه‌ به‌درێژایی مێژوو ئه‌و كه‌نداوه‌ ناوی كه‌نداوی فارس بووه‌.

له‌لێدوانێكدا بۆ ئاژانسی هه‌واڵی ئێرانی (ئیرنا) كافاشیان ووتی: پێش ده‌ رۆژ به‌هه‌ماهه‌نگی له‌گه‌ڵ وه‌زاره‌تی ده‌ره‌وه‌ی ئێران نامه‌یه‌كمان ئاڕاسته‌ی فیفا كردووه‌ و چاوه‌ڕێی وه‌ڵامین، هه‌روه‌ها كافاشیان ووتی: فیفا سه‌رپشك نیه‌ له‌وه‌ی ناوی كه‌نداوی فارس بگۆڕێت بۆ هه‌تا هه‌تایه‌ هه‌ر فارسی ده‌بێت.















خه‌ندان