كارزان كانەبی

بەمەبەستی زیاتر گرنگی دان بە یارییەكانی شەترەنج لە شارەكانی كوردستان لە ئاستی كوڕان ، بریارە ئەمرۆ چوارشەممە رێكەوتی 2-10 لە شاری هەولێر لە هۆڵی شەترەنجی یانەی خانزاد پاڵەوانێتی شەترەنجی یانە پلە نایابەكانی كوردستان دەست پێبكات، لەبارەی ئەنجامدانی پاڵەوانیتیەكەش ئازاد سابیر دیبەگەیی سەرۆكی یەكێتی ناوەندی شەترەنجی كوردستان گوتی: وەكو بەرنامەی ساڵانەی خۆمان و بەمەبەستی زیاتر گرنگی دان بە یارییەكانی شەترەنج بریارە ئەمرۆ چوارشەمە بەبەشداری زیاتر لە 16 یانەی شارەكانی كوردستان پاڵەوانێتی شەترەنجی یانە پلە نایابەكانی كوردستان دەست پێبكات و یارییەكانی پاڵەوانێتیەكەش بە سیستەمی سویسری بە ئەنجامدانی حەفت جەولە یارییەكانی بەرێوەبچێت و هەر جەولەیەك پێك دێت لە ماوەی 75خولەك یاری كردن، گوتیشی لە كۆی یانە بەشداربووەكان تەنیا 12 یانە دەمێنێتەوە ئەوانی تریش دادەبەزن، گوتیشی ئەم پاڵەوانێتیەش بۆئاستی پێشكەوتوانە و یاریزانانی بەشداربووش ئامادەاكری باشیان كردوە بۆخولەكە، ئێمە ش بەرنامەی باشمان دەبێت بۆسەرجەم ئاستەكان لە كوڕان وكچان و بەهیوای ئەوەین زۆرترین تیپ بەشداربن و بۆبەهێزكردنی پاڵەوانیتیەكە .