ڕاپۆرتە هەواڵییەکانی بەریتانیا ئەمڕۆ ئاشکرایانکردووە، یانەی مانچستەر یونایتد بۆ جارێکی تر گرنگی بە سێرجیۆ ڕۆبەرتۆی یاریزانی لاوی یانەی بەرشەلۆنە دەدات.

مان یونایتدی پاڵەوانی وەرزی ڕابردووی خولی ئینگلیزی ، دەگەڕێت بە دوای یاریزانی نوێدا بۆ بەهێزکردنی هێڵی ناوەڕاستی یانەکەی .

ئەم هەوڵانەی مان یونایتد بۆ ئەو یاریزانە لە دوای ئەوە دێت ، کە لە گواستنەوەی هاوینەی ڕابردوودا سەرکەوتوو نەبوو لە گواستنەوەی سیسک فابریگاس.

بە پێی هەواڵی ڕۆژنامەکانیش ، بەڕێوەبەری کارەکانی سێرجیۆ ڕۆبەرتۆ ، پەیوەندی تەلەفۆنی پێگەیشتووە لەلایەن چەند یانەیەکی دیاری ئەوروپاوە ، بەڵام لە سەروو هەموویانەوە مانچستەر یونایتد و دوای ئەویش مانچستەر سیتی.



























خەندان