بەشێوەیەكی فەرمی ناونووسین بۆ سێیەمین ماراسۆنی نێودەوڵەتی هەولێر دەستیپێكرد، لەم بارەیەوە لێژنەی باڵای ئامادەكاری سێیەم ماراسۆنی نێودەوڵەتی هەولێر رایگەیاند: بەمەبەستی رەخساندنی هەلی بەشداربوون بۆ زۆرترین رێژەی هاووڵاتیان لەسەر ئاستی هەرێمی كوردستان و عێراق و جیهان، لە ئێستاوە دەستكراوە بە ناوونووسین بۆ سێیەمین ماراسۆنی نێودەڵەتی هەولێر، كە بە بەشدارییەكی بەرفراوانی نێودەوڵەتی بەڕێوەدەچێت و خەڵاتی گرانبەهاش پێشكەش بە براوەكان دەكرێت.

بڕیاروایە رۆژی هەینی 2013/10/25 بە بەشداریەكی بەرفراوانی نێودەوڵەتی سێیەمین ماراسۆنی نێودەوڵەتی هەولێر بەڕێوەدەچێت، یاریزانی چەندین وڵاتی ئەوروپی و جیهانی بەشداری لەم ماراسۆنەدا دەكەن. ماراسۆنی نێودەوڵەتی هەولێر هەوڵێكیشە بۆ ناساندنی پایتەختی هەرێم وەك پایتەختی گەشتوگوزاری عەرەبی بۆ ساڵی 2014 ، لە ئێستاوە وەرزشوانان و هەوادارانی وەرزشی و سەرجەم وەرزشوانان و هاووڵاتیان دەتوانن ناوی خۆیان تۆمار بكەن بەم رێگایانەی خوارەوە: