ئه‌ندرێس ئینێستای یاریزانی هێڵی ناوەڕاستی یانه‌ی به‌رشه‌لۆنه‌، یه‌که‌م پێشنیازی یانه‌که‌ی بۆ نوێکردنه‌وه‌ی گرێبه‌سته‌که‌ی ڕه‌تده‌کاته‌وه‌.

ڕۆژنامەی ئاسی ئیسپانی ئاشکرایکردووه‌، کێشه‌ که‌وتۆته‌ نێوان ئینێستاو به‌رشه‌لۆنه‌ له‌سه‌ر نوێکردنه‌وه‌ی گرێبه‌ستی ئه‌و یاریزانه‌، هه‌رچه‌نده‌ بلاوگرانا ده‌یه‌وێت بیکاته‌ خاوه‌نی سێیه‌م به‌رزترین موچه‌ له‌ دوای لیۆنێل میسی و جیرارد پیکی له‌ یانه‌که‌یدا.

له‌ لێدوانێکیدا ئینێستا بە ڕادیۆی کادینا سیری ڕایگه‌یاندوه‌ : گرنگ نیه‌ به‌لایه‌وه‌ له‌ ڕووی موچه‌وه‌ یه‌که‌م بێت یان دووه‌م یان سێیه‌م، به‌ڵام ئه‌و گرێبه‌سته‌ له‌ ئاستی چاوه‌ڕوانی ئه‌ودا نیه‌.

بۆ جاری یه‌که‌مه‌ ئه‌ندرێس ئینێستا گرێبه‌ستی به‌رشه‌لۆنه‌ ڕه‌تده‌کاته‌وه‌و به‌پێی زانیاریه‌كانی کادینا سیریش، ئه‌و یاریزانه‌ داوای خه‌ڵاتی دارایی ده‌کات هاوشێوه‌ی پۆیۆڵ و چاڤی.


خەندان