ئیلینت سیردۆڤای هاوسه‌ری جیان لویجی بۆفۆنی گۆڵچی هه‌ڵبژارده‌ی‌ ئیتالیاو یانه‌ی‌ یۆڤانتۆس، پێیوایه‌ هاوسه‌ره‌که‌ی سوپه‌رمانه‌، ئه‌مه‌ش دوای ئه‌و ئاسته‌ به‌رزه‌ی‌ ئه‌و گۆڵچیه‌ له‌یاریی به‌رامبه‌ر هه‌ڵبژارده‌ی‌ بولگاریا پێشكه‌شی كرد.

ئیلینا ئاماژه‌ی به‌و ئاسته‌ به‌رزه‌ كرد كه‌ بۆفۆن له‌یاریی پاڵاوتنی مۆندیالی 2014 به‌رامبه‌ر بولگاریا پێشكه‌شی كرد كه‌ چه‌ندین جار هه‌ڵبژارده‌كه‌ی‌ رزگار كرد و تۆپی زۆر ئه‌سته‌می ده‌رهێنایه‌وه‌و نه‌یهێشت گۆڵ بێت.

له‌مباره‌یه‌وه‌ ئیلینا بۆ رۆژنامه‌ی‌ كۆرێری دێللۆ سپۆرت دواو وتی: شوم به‌ سۆپه‌رمان كردووه‌، به‌ڕای من ئێستا له‌ هه‌موو كاته‌كانی یاریكردنیدا باشتره‌.

سه‌باره‌ت به‌خۆشترین و ناخۆشترین كاته‌كانی ژیانی مێرده‌كه‌شی وتی: ناخۆشترین كاته‌كانی ئه‌و كاته‌ بوو كه‌ بۆ خولی پله‌ دوو دابه‌زێنران، جگه‌ له‌وه‌ دۆڕاندنیان به‌رامبه‌ر بایرن مونشن له‌ وه‌رزی رابردوو زۆر دڵته‌نگی كرد، خۆشترین كاتیشی بردنه‌وه‌ی‌ مۆندیالی 2006 بوو.


خەندان