لە هۆڵی فایەق قەسابی تایبەت بە یانەی سلێمانی كۆتایی بەیارییەكانی پاڵەوانێتیی تۆپی سەرمێزی یانەكانی شاری سلێمانی بۆ هەردوو ئاستی خونچەكان‌و بێچووەشێران بۆ كوڕان‌و كچان هات، كە هەریەك لە یانەكانی (سلێمانی، سیروانی نوێ، ئاشتی، پێشمەرگەی سلێمانی، ئەفرۆدێت) تێیدا بەشداربوون بەبەشداری 24یاریزان تەواو بوو.
ئەم پاڵەوانێتییە ماوەی سێ ڕۆژی خایاند، دوای ڕكابەرییەكی بەهێزیش ئەنجامی كۆتایی پاڵەوانێتییەكە بەم شێوەیە بوو.
لەسەر ئاستی خونچەی كوڕان ژیار نەوزاد و ئاریا ئیدریس لەیانەی ئاشتی پلەكانی یەكەم و دووەمیان بەدەستهێنا.
لەسەر ئاستی خونچەی كچان لەنیا هێڤی لەیانەی سیروانی نوێ و سانا نەوزاد لەیانەی ئاشتی پلەكانی یەكەم و دووەمیان بەدەستهێنا.
لەسەر ئاستی بێچوەشێرانی كوڕان دیاكۆ عوسمان لەیانەی ئاشتی پلەی یەكەم و بەڵێن سەلام لەیانەی پێشمەرگەی سلێمانی پلەی دووەم و محەمەد عومەر لەیانەی سلێمانی پلەی سێیەمی بەدەستهێنا.
لەسەر ئاستی بێچوەشێرانی كچان هەریەك لەیاریزانان ئەوین عەلی و ئەژین عەلی و زین سەفین لەیانەی ئەفرۆدێت پلەكانی یەكەم تا سێیەمیان بەدەستهێنا.