تاكو كۆتایی ماوه‌ی گواستنه‌وه‌ی هاوینه‌ی یاریزانان، له‌گۆشه‌ی ( مێركاتۆی هاوینه‌ ) ئاگاداری دوایین ده‌نگۆ و هه‌وأله‌كانی بازاڕی گواستنه‌وه‌ی یاریزانان بن….

* سبه‌ی سیسك فابریگاسی یاریزانی بارسێلۆنای ئیسپانی دوایین بڕیاری خۆی له‌باره‌ی چوونی بۆ مانچسته‌ر یونایتدی ئینگلیزی ئاشكراده‌كات.

* ڤالنسیای ئیسپانی ده‌یه‌وێت خافێر هێرناندێز(چیچاریتۆ)ـی یاریزانی مانچسته‌ر یونایتد په‌لكێشی ریزه‌كانی بكات.

* رۆژنامه‌ی لاگازێتا دیللۆ سپۆرتی ئیتاڵی ئاشكرایكرد رافایل بینیتیزی راهێنه‌ری ناپۆلی ئیتالی داوای ئالێكس سانچێزی یاریزانی بارسێلۆنای ئیسپانی ده‌كات.

* ریال مه‌دریدی ئیسپانی سووره‌ له‌سه‌ر كرینی گاریس به‌یلی یاریزانی تۆتنهامی ئینگلیزی له‌م هاوینه‌و ده‌سته‌واره‌یه‌كی تری به‌بڕی 60 ملیۆن یۆرۆ + دی ماریا + كوێنتراو پێشكه‌شی یانه‌ ئینگلیزییه‌كه‌ كرد.

* تا ئێستا داهاتووی جۆلیۆ سیزاری گۆڵپارێزی به‌ڕازیلی كوینز پارك رینجه‌رزی ئینگلیزی نادیاره‌و چه‌ندین یانه‌ی ئه‌وڕوپی چاودێری ئه‌و گۆڵپارێزه‌ ده‌كه‌ن.

* رافایل بینیتیزی راهێنه‌ری ناپۆلی فابیۆ كوێنتراوی یاریزانی ریاڵ مه‌دریدیشی ده‌وێت.

* ترابزۆن سپۆری توركی به‌رامبه‌ر مڵیۆنێك یۆرۆ جۆزی بۆسینگوای پورتوگالی برده‌ ریزه‌كانی.

* سانتی كازۆرلای یاریزانی ئارسناڵ هه‌موو ئه‌و پڕوپاگه‌ندانه‌ی باس له‌جێهێشتنی یانه‌كه‌ی ده‌كه‌ن، ره‌تده‌كاته‌وه‌ .

* كریستیان تیۆی یاریزانی بارسێلۆنای ئیسپانی له‌یانه‌كه‌ی ده‌مێنێته‌وه‌ .

* یۆڤانتوسی ئیتاڵی ئۆفه‌رێكی به‌بڕی 5،5 ملیۆن یۆرۆ پێشكه‌شی ناپۆلی كرد بۆ ده‌ستبه‌رداربوون له‌ زۆنیگای به‌رگریكاری.

* ناپۆلی ئیتاڵی و پۆرتۆی پورتوگالی نزیكن له‌سه‌ر گواستنه‌وه‌ی جاكسۆن مارتینێزی هێرشبه‌ری كۆلۆمبی بگه‌ونه‌ رێككه‌وتن .

* لیڤه‌رپوولی ئینگلیزیش سۆلدادۆی ده‌وێت .

* پاریس سانجێرمانی فه‌ڕه‌نسی ئاماده‌نیه‌ ماركۆ ڤێراتی بفرۆشێت.

* مانوێل پیلیگرینی راهێنه‌ری مان سیتی هێشتا به‌نیازی هێنانی یاریزانی تره‌ .